為何家長無法招架「子女式討價還價」？
孩子的無理，讓家長感到煩厭及疲憊，
為了不再作無謂的爭拗，或者怕鬧情緒，
只好讓步，讓孩子得到他們的所想所要，
最後他們只會得寸進尺。
與子女商量是十分重要，
在對話中堅守原則，留意子女情緒，是家長的重要技能。
為了避免跌入討價還價的陷阱，以下六個商量技巧能派上用場：
我們一起看看學會商量技巧前與後的情景，從對比中學習：
情景1
兒子心急地說：「媽咪，我想打機！」
母親：「打機？你做完功課未呀？」
兒子：「都唔多功課，我想打機先！」
母親（想起兒子之前多次的表現）：「唔得，你打咗機，就無心機做功課。」
兒子：「唔會，我會俾心機做功課！」
母親：「你次次都淨係得個講字，你睇你上次…」
兒子：「我唔理，我一定要打機，唔打機，我都唔會做功課！」
母親（怕再爭拗沒意思），唯有說：「你要打幾耐？」
兒子：「一個鐘！」
母親（心想一小時定會變兩小時），便還價說：「半個鐘！」
兒子堅決地說：「一個鐘！」
母親（心感疲累不想再拗下去）便說：「我唔理你啦！」
最後兒子卻整整玩了三小時電腦。
學會商量技巧後的情景
兒子焦急地說：「媽咪，我想打機！」
母親不慌不忙回答：「你清楚我哋講過要打機，就先要做好功課啦！」（要兒子回想之前的承諾和原則）
兒子：「都唔多功課，我想打機先！」（討價還價）
母親：「我知道你放學返嚟自然想打機，但我哋一早已經講好咗做完功課，先可以玩。」（堅持原則）
兒子：「俾我打一次啦！」
母親溫和淡定地問：「你今日點解咁急要打機嘅？」（先聆聽兒子的心聲）
兒子著急地說：「我同同學約好咗四點打機！」
母親說：「原來你約咗同學，唔想失約。」（了解兒子的目的，明白其感受）
兒子：「咁你快啲俾我打啦！」
母親安撫他說：「我知你好心急（表現同理心），但你都要明白我嘅感受。你驚失約，但你亦都會違反我哋嘅約定（完成功課才玩電腦）。」
兒子更心急地說：「我一定要！」
母親點頭說：「你好心急，我都替你緊張（再次表現同理心）。不如你打電話俾同學，推遲啲，大約五點半，你儘快做好功課，咪可以打得更盡興囉！（給予另一個可能建議）」
兒子擔心地說：「嗯，我試試啦。」
雖然用同一方法，應用在同一情景，都會產出不同的結果。
希望看過這篇文章的家長都能記住「堅守原則」同時要「關心子女感受」，這樣的商量才會有意義。
大家都懂了嗎？
參考資料：
書名：當子女說你好煩
作者：伍詠光、葉玉珮
出版社：突破出版社
——————————————————
追蹤我們專頁，獲取最新資訊！
愛.家庭賽馬會成長中心 X 香港聖公會愛童行計劃
Facebook 專頁 ｜ Instagram 專頁